Intro:
Wha mek dem travel so nuff
Wha mek dem travel so nuff
How so much man inna mi... a wha a gwaan

Chorus:
It was a invasion
Babylon correl mi place dem waah fi ovatrow mi
Look like seh none a dem nuh lef up a di station
A weh dem hear bout fiyah man a blaze cyaah out
(Repeat)

Verse 1:
Well inna mi place mi have mi big tune a pump
Bare highgrade and mi chalice
Because man nuh smoke blunt
Fat piece a suppen fi guh pump
Well inna mi pants well mi suppen stawt jump
Pon mi door mi hear ruggu ruggu rung mi hear a kunk
Mi seh who goes,hear dem nuh di beast is at yuh son
Mi seh weh unuh want coke mi nuh have none
And weh unuh want gun mi nuh have none
Cause a bare highgrade up inna mi cranium
Right ya now mi woman ready fi guh have fun

(Chorus)

Verse 2:
Well i was surrounded by soldiers and cop
Prip tru mi winda i was suh very shock
Mi si m16 slr uzi and glock
Everyting deh pon cock like dem waah fiyah shot
Mi a wonda a who dem bwoie yah waah shot
Mi nuh saddam hussein weh come from iraq
Nuh weapon of mass destruction
Mi nuh have nuh poison gas
Mi nuh have nuh coke mi nuh have nuh crack
Nuh have nuh gun mi nuh have nuh shot
Di bwoie dem approach mi from tru mi house top
Mi chalice did a blaze a weed seed guh pop
Now mi door and mi winda everyting drop flat
Mi hail king SELASSIE non-stop
Yuh a hear mi

(Chorus)

Verse 3:
Mi si soldiers from 1jr 2jr 3jr 4jr
A wonda if dem bwoie a guh a war
Mi si tankaz and mi si cyar
Glock m16 and slr
Tell dem fi leave out rasta
And gwaan guh look fi all di imposta
Weh a kill man fi less dan a foska
Man a search all mi kitchen a look fi fish and lobsta
Mi tell him seh RASTA deh even eat dem pasta
Mi nuh know who kill mass osca
Nuh tell mi bout yuh searching fi si laska
A hear seh a him lock mi haskel and osca